কবিতা
চেঙেখলা Chengekhola
নূতন ধন চাকমা
চাঙমা জাদর রিধি সুধোম তোগেবার
আ অারেয়ে রিধি সুধোমানি তুবেবার,
হুল্লেয় বেগে চেঙেখলাবো।
বেগে মিলি ধঅর-মঅর গুরি বানিবোঙ চেঙে তারাবো।
চেঙেখলাত বজিনেয়
শিব চরণ, তান্ন্যেবি, রাধামন-ধনপুদি,পনঙ চান -পুনঙবি দাগিরেও
চেঙখলাত ডাগিবোঙ।
তারা বেগত্তুন এ্যাঝাল লোনেয়
চেঙেখলাবো ধঅর-মঅর গুরিবোঙ।
সঙ পদ, কাদাবন, নিবিলি ঝার,
দমদমা, চেগলক, অজল-নিজো মুরোমুরি,
তারেঙ, রিজেঙ, তুগুন, কলক বেড়েবঙ।
চাঙমা জাদর রিধি সুধোম
বেগে মিলি তুবেবঙ।
জুম্মোউন ধাঙর চুক্তি, শান্তি চুক্তিত
চেঙেয়ান স্বাক্ষী আগে।
রিধি সুধোম ধুরি রাগেবার,
উজেবঙ বেগে সঙ জোগারে,
সঙ সমারে।
এয এয বেগ মিলি হুজি মনে
চেঙেখলাবোত বুজিই।
জাদর রিধি সুধোম ধুরি রাগেয় নেয়,
চেঙেয়ান ফুদেই তুলিই।
পুর--০৪.০১.২০২১ইং।
কোন মন্তব্য নেই:
একটি মন্তব্য পোস্ট করুন