ছড়া
আমা আদাম (ছরা)
রনজিত চাঙমা (০৮/০১/২০২১ইং)
আমা আদাম আমা ঘর
চেঙে পারত জনমভর,
চেঙে গাঙত গাদিদং বেগে
ন' ভাবিদং আমন পর।
বারিজা কাল্যে চেঙে গাঙান
নিত্য থেদ' গাবুর মন,
নোন্যে শিলর কুয়ো গাঙানি
গোরি দেদে সেক্কে বন।
ধুল্যে চরত শবোনর ঝাক
খেদাক্কি মরা মোজগরু,
রেত্তো এলে শিগেলুন এদাক
সিয়েনি ইক্কে যিয়ে কুধু?
মানজ্যে খাদন মরাধরা
এলাক দিনুন ইক্কে কি?
ভাবিনেই মুই কুল ন' পাঙর
কেনে যাদন দিন বদুলি?
চেঙে পারত আমা আদামান
নাল কাবিনেই নালকাবা,
রেদে দিনে ভাজি এযে
চেঙে গাঙত্তুন দোল আহবা।
&&&&&
কোন মন্তব্য নেই:
একটি মন্তব্য পোস্ট করুন