চেঙেখলা CHENGEKHOLA

কবিতা

চেঙ্গী দোলবি

ছোটমনি চা

আদু ছং রান ছং চেঙ্গী

পাড়র এ্যাইল খের আনি

ঠুত্যে বোয়োরত্ নাজে

এ্যালোনী হ্যালোনী

আহদি যাং পাড়ে পাড়ে বেল্যে মাধান

ম,মুজুঙে মুজুঙে আহ্'দি

যাই চেঙ্গী'র দোলবি

হালিক তা মুজুঙ আন ন' দেগঙ

দেগঙ্ বানা পিত তান

গত্তনা কুরে ইর' উন

বোয়েরে নাজে মেন মেন

কালা লাম্বা চুলান

কাদি বিরেজ'দভা ধোক্যেন

জোবাত জোবাত গুরি

সে বোয়ের গঙত ধাঘে

পাজারা খের'আনি ডুলি

ডুলি নাজি উধে।

ধো দব দবা পধ বে

চেঙ্গী পাড়ত উজোনী লামুনী

ঠ্যাঙত্ খারু,আহ্'দত

বাঙুরি কাল্লোঙ্ বুগি পিনোন পিনি

তা ছদগত রং ছিদি পরে

চেঙ্গী'র ডেন কুল বাঙকুল

ফুল ফুধি যান চেরোকিত্যে

পেগে দাগন কিজিক কাজাক

জীবানানন্দ থেদ'কবিত্যে ভাচ্ত বনলতা

ন' লিগি লিগিদো তা কধা

মধুসুদন বাবুতারে যুনি দেগিদো

পোরেয়ে দেজত্ হুঝ নদিলুন হামাক্কায়

কপোতাক্ষ কধা ন'ভাবিনে

ভাবিলুন চেঙ্গী দোলবিকধা

নিজো দেজত মাদি পানি

বোয়ের বেক কিজু দোল তাগদে

কিদরকার এল,পোরেয়ে দেজত যেনে

পোরেয়ে ভাচে নাজুক কাজুক গরানা

ম'কবিত্যে ভাচ্ত গাধে

নবারঙর কাবিলর নকভাঝে

মুজুঙেত্তুন দেলে কধা

তারাত কেনে তুনিম তারে

মর এ কুঝি আহ্দ

লগনিত নকভাঝ

গত্তে দীকতা গুলুক অঙর

তুইথেবে যুগযুগ ধুরি

হিলোদেজত.চেঙ্গীগাঙ্ যেধকদিন থায়।