কবিতা
বৌ আনিবোঙ
নূতন ধন চাকমা
মন হুজিয়ে শিক হারি হারি থায়,
দাদা পোত্ত্যে রামে।
এ বজর বেলে বৌ আনিবাক তাত্ত্যেয়,
হামান তে ন ছাড়ে।
পিনোন-হাদি বুনিবার,
বিয়োঙ, তাগলক, রধঙ বাশ, থুর চুমো, কুধুক কাদাক, সূচ্চ্যেক বাশ, তারাম
বেক্কানি তুবেয়োন।
রাঙা ধোক-ধোক্ক্যে অয় পা সিয়ানি,
ধূমো উজু রাগেয়োঙ।
ডাঙঅর বেবেই বুনিবো বোলি পিনোনান,
মন চাবোগিবো দ্বিনেয়।
চিগোন বেবেই বুনিবো হাদিয়ান,
বিগুন বিজি ফুল্লো দ্বিনেয়।
রেত অহলে,
নাগর মাদি মাদি সুধো তুম গরন
দ্বি বোনে মিলিনেয়।
মামা গরে সুধোন্নুলিত পুজ্জেন সুধো,
তারা হুরে বজিনেয়।
বাবা গরে সল্লা বুদ্দি,
মামা হুরে যেনেয়।
টেঙা জুগুলেব বাবা এবার,
ঘঅর মাল-মাত্তা বিজিনেয়।
অক্ত অক্ত এ্যাঝার দ্বে মামা,
বাবা হদা ফাউরোত।
ডাঙঅর দাদাত্ত্যে বো আনিবোঙ এ বজর,
মাঘ ন’ অলে ফাগুনোত।
পুর-১৬.০১.২০২১ইং।
কোন মন্তব্য নেই:
একটি মন্তব্য পোস্ট করুন