কবিতা
সেলপি পাগল নুদিবানা
রনজিত চাঙমা (০১/০২/২০২১ইং)
নুদিবানা মুবায়েলত চায়দে
চেঙেরা সুরত তার,
হাঙুরো হাঙুরো চুলানিলোই
গরেদে কদক বাহর।
মুবায়েল লোইনেই সেলপি মারে
দিইনেই নানান পোচ,
ফেইচ বুগত তে আপলোড দিইনেই
পুরায় মনর আওজ।
নানান জনে কমেন্ট গরন
দোল দোল কোই তারে,
থ্যাংকু থ্যাংকু নেই জিরানে
রেদে দিনে গরে।
কাম ন' গরে আলজির গোরা
তিদিক তিদিক বেরায়,
বাব মা কামেয়্যে টেঙাউন তে
দ্বি আহদে বানা উরায়।
গাবুরীদাগির মিদে কধায়
মনান গলে তার,
টেঙা মাগিলে দেত্তে টেঙা
কদক চাইনিজ খাবার।
নুদিবানা সেলপি মারেদে
গাবুরীদাগিরে লোই,
ইন্দি চেলে বৌ লবার বজসান
দিন দিন হোরেই যাল্লোই।
&&&&&&
কোন মন্তব্য নেই:
একটি মন্তব্য পোস্ট করুন